برنامج إدارة شركات المقاولات
كل مشروع ليه مقايسة ومركز تكلفة. المستخلص بيتكتب بالكميات التراكمية، والبرنامج يطرح اللي اتحسب قبل كده ويخصم التأمين ويضيف الضريبة، وكل مصروف وخامة بتروح على المشروع بتاعها.
المستخلص بيتحسب في Excel وبيغلط
بتكتب الكمية التراكمية المنفذة لكل بند، والبرنامج يحسب المنفذ في الفترة دي بس من آخر مستخلص، ويطلع القيمة والتأمين والضريبة والصافي.
ربح المشروع مش باين
المستخلصات والخامات المصروفة للموقع ومستخلصات مقاولين الباطن والمصروفات بتتسجل على مركز تكلفة المشروع، وتقرير المشروع بيطلع تكلفته وربحه.
التأمين المحتجز بيتنسي
التأمين اللي المالك حاجزه بيتسجل في حساب لوحده، وكذلك اللي إنت حاجزه من مقاول الباطن، وبتفرج عنه بسند لما ييجي وقته.
مثال: المستخلص التاني لمشروع عمارة
أرقام المثال محسوبة بنفس الطريقة اللي البرنامج بيحسب بيها.
- المشروع بتأمين 5% وضريبة 14%. المستخلص الأول كان بقيمة أعمال 500,000 جنيه.
- في المستخلص التاني كتبت الكميات التراكمية، وقيمة الأعمال التراكمية 800,000، فالبرنامج حسب المنفذ في الفترة 300,000 جنيه بس.
- التأمين 15,000، والضريبة 42,000، فالصافي المستحق على المالك 327,000 جنيه.
- القيد: من حـ/ العملاء 327,000 ومن حـ/ تأمين محتجز لدى الغير 15,000، إلى حـ/ إيراد المستخلصات 300,000 وحـ/ ضريبة المبيعات 42,000.
اللي هتستخدمه في شغلك
- مشروع بمقايسة بنود وأسعار
- مستخلصات تراكمية بالتأمين والضريبة
- مستخلصات مقاولين الباطن بالتأمين
- صرف خامات للموقع على المشروع
- مراكز تكلفة وقائمة دخل لكل مركز
- شيكات واردة وصادرة وتحصيلها
- حسابات بنوك وقروض بجدول أقساط
- رواتب موزعة على المشاريع
الأقسام اللي بيعتمد عليها النشاط ده
تبدأ إزاي
وإنت بتسجل اختار نشاط «شركة مقاولات»، فالمشاريع ومراكز التكلفة والبنوك بتشتغل.
سجّل المشروع وعميله ونسبة التأمين والضريبة، وبنود المقايسة بكمياتها وأسعارها.
اصرف الخامات من المخزن على المشروع بإذن صرف، فتكلفتها تتسجل على المشروع.
حاجات لازم تعرفها قبل ما تشترك
- مفيش جدول زمني للمشروع ولا متابعة نسب إنجاز بالبرنامج الزمني.
- مفيش حساب كميات من الرسومات.
أسئلة بتتكرر
لو كتبت كمية تراكمية أقل من اللي فات؟
البرنامج بيرفض المستخلص، لأن الكمية التراكمية مابتقلش.
مقاول الباطن بيتحاسب إزاي؟
مستخلص مقاول باطن على نفس البنود بسعره، بيتسجل تكلفة على المشروع ومستحق له بعد خصم التأمين.
أقدر أشوف كل المشاريع مع بعض؟
أيوه، تقرير مراكز التكلفة بيوريك إيراد ومصروف وربح كل مشروع جنب بعض.
أنشطة قريبة
جرّب Touch It ERP على شغلك الحقيقي
سجّل في دقيقة واستخدم كل الأقسام 14 يوم ببلاش، أو كلمنا ونفرّجك على النظام.