برنامج الحسابات العامة والقيود
كل حركة في الشركة ليها قيد مزدوج بيتسجل لوحده. المحاسب بيراجع بدل ما يكتب، وبيرجع من أي رقم في التقارير لحد المستند اللي عمله.
قيود تلقائية مش مجرد أرقام
فاتورة البيع بتعمل قيد صرف بضاعة بالتكلفة، وبعده قيد البيع على الرقم اللي بعده. فاتورة الشراء والمرتجعات والسندات والرواتب، كل واحد بقيده في الحساب الصح.
دليل حسابات جاهز ومرن
دليل حسابات مصري جاهز من أول يوم، فيه الأصول والخصوم والإيرادات والمصروفات. ضيف حسابات فرعية للبنوك أو مراكز التكلفة براحتك.
مراجعة وقفل فترات
بعد ما تراجع الشهر اقفله، ومحدش يقدر يسجل أو يعدّل فيه. وصلاحية تعديل القيود بتديها لمحاسب معين بس.
تقدر تعمل إيه
- قيود تلقائية لكل مستند
- قيود يدوية ومتكررة
- دفتر أستاذ لكل حساب
- ميزان مراجعة في أي تاريخ
- أصول ثابتة وإهلاك
- قفل الفترات المحاسبية
أسئلة بتتكرر
لازم أكون محاسب علشان أستخدمه؟
لا. صاحب المحل بيبيع ويشتري عادي، والقيود بتتكتب لوحدها. المحاسب بيدخل يراجع ويطلع القوائم.
أقدر أعدّل قيد؟
القيود اليدوية بتتعدل بصلاحية «تعديل القيود». قيود الفواتير بتتعدل بتعديل الفاتورة نفسها أو إلغائها، علشان الدفاتر تفضل متطابقة.
فيه فحص للحسابات؟
أيوه، «فحص الحسابات» بيتأكد إن كل قيد متوازن وإن أرصدة المخزن والعملاء والموردين مطابقة للدفاتر.
أقسام مرتبطة
جرّب Touch It ERP على شغلك الحقيقي
سجّل في دقيقة واستخدم كل الأقسام 14 يوم ببلاش، أو كلمنا ونفرّجك على النظام.