برنامج المبيعات والفواتير
اعمل فاتورة البيع في ثواني، والنظام يكمّل الباقي: المخزن يتخصم، حساب العميل أو الخزينة يتحدّث، والقيدين يتكتبوا في دفتر اليومية.
فاتورة نقدي أو آجل من نفس الشاشة
اختار العميل والأصناف وطريقة الدفع. لو الفاتورة آجل، المبلغ بيتضاف على كشف حساب العميل، ولو نقدي أو محفظة بيدخل الخزينة على طول. وتقدر تدفع جزء وتسيب الباقي آجل.
من عرض السعر للفاتورة بضغطة
اعمل عرض سعر للعميل وابعته، ولما يوافق حوّله لفاتورة من غير ما تكتب الأصناف تاني. العروض المفتوحة بتفضل قدامك لحد ما تتحول أو تتلغي.
مرتجعات بقيدها الصح
المرتجع بيرجّع البضاعة للمخزن بنفس تكلفتها، ويعكس الإيراد في حساب «مردودات المبيعات»، ويرجّع الفلوس للعميل أو يخصمها من مديونيته.
تقدر تعمل إيه
- بيع نقدي، آجل، أو دفع جزئي
- خصم على الصنف أو الفاتورة بصلاحية
- عروض أسعار وتحويلها لفواتير
- مرتجعات كاملة أو جزئية
- تقسيط بمواعيد وتنبيه بالمتأخر
- طباعة الفاتورة وإرسالها واتساب
أسئلة بتتكرر
هل أقدر أبيع بسعر مختلف لعميل معين؟
أيوه. سعر البيع بيظهر تلقائي من كارت الصنف، وتقدر تعدّله في الفاتورة لو صلاحيتك تسمح، وفيه سعر جملة منفصل عن القطاعي.
الفاتورة الآجل بتظهر فين؟
بتتسجل على كشف حساب العميل، وبتظهر في تقرير أعمار الديون لحد ما تتحصّل بسند قبض.
ينفع ألغي فاتورة؟
ينفع، والإلغاء بيعكس كل قيودها ويرجّع المخزن، والفاتورة بتفضل في السجل بحالة «ملغاة» علشان المراجعة.
أقسام مرتبطة
جرّب Touch It ERP على شغلك الحقيقي
سجّل في دقيقة واستخدم كل الأقسام 14 يوم ببلاش، أو كلمنا ونفرّجك على النظام.