برنامج إدارة محلات الموبايلات
الجهاز الجديد والمستعمل كل واحد بالـ IMEI بتاعه، وتكلفته وربحه محسوبين لوحده. وتقدر تاخد موبايل الزبون القديم وتخصم قيمته من الجديد في نفس الفاتورة.
الأجهزة المتشابهة بتتلخبط
كل موبايل أو تابلت بيتسجل برقم الـ IMEI (والـ IMEI التاني لو موجود)، والمساحة والرام واللون وحالة البطارية، وجديد ولا مستعمل. الجهاز اللي اتباع بتعرف هو مين بالظبط.
ربح المستعمل مش واضح
الجهاز المستعمل بيتسجل صنف لوحده بالمبلغ اللي دفعته فيه، فربحه هو الفرق الحقيقي. وبيانات اللي باعهولك (الاسم والموبايل ورقم البطاقة) بتتحفظ معاه.
الاستبدال بيتحسب على ورقة
في فاتورة بيع الجهاز تقدر تسجل موبايل الزبون القديم كجهاز داخل. قيمته بتتخصم من اللي هيدفعه، والقديم بيدخل المخزن بتكلفته في نفس العملية.
مثال: بيع موبايل جديد مع استبدال القديم
أرقام المثال محسوبة بنفس الطريقة اللي البرنامج بيحسب بيها.
- زبون عايز موبايل جديد بـ 18,500 جنيه، ومعاه موبايل قديم اتفقتوا على 6,000 جنيه.
- في فاتورة بيع الجهاز بتختار الجهاز الجديد بالـ IMEI، وضمان 12 شهر، وتضيف القديم كاستبدال بالـ IMEI بتاعه وحالته.
- الزبون بيدفع الفرق 12,500 جنيه بإنستا باي. الجهاز الجديد خرج من المخزن بتكلفته، والقديم دخل صنف مستعمل بتكلفة 6,000.
- الفاتورة المطبوعة عليها الـ IMEI وتاريخ نهاية الضمان. ولما تبيع القديم بعدين، ربحه هيتحسب من الـ 6,000 اللي اتخصمت.
اللي هتستخدمه في شغلك
- IMEI لكل جهاز ومواصفاته وحالته
- شراء مستعمل من الزبون ببياناته
- استبدال في نفس فاتورة البيع
- ضمان بتاريخ انتهاء على الفاتورة
- استلام أجهزة الصيانة وتسليمها بقطع الغيار
- بيع الإكسسوارات بالباركود
- تقسيط بمواعيد وضامن
- أجهزة في المحل: قيمتها والربح المتوقع وأيامها في المخزن
الأقسام اللي بيعتمد عليها النشاط ده
تبدأ إزاي
وإنت بتسجل اختار نشاط «محلات موبايلات وإكسسوارات»، فشاشات الأجهزة والصيانة والتقسيط بتظهر.
سجّل الموديلات كأصناف، وادخل الأجهزة الموجودة بالـ IMEI بفاتورة شراء أو رصيد افتتاحي.
ارفع الإكسسوارات من Excel وبيعها من الكاشير.
حاجات لازم تعرفها قبل ما تشترك
- البرنامج مش بيفحص الـ IMEI على قواعد بيانات الأجهزة المسروقة.
- مفيش ربط بشركات الشحن والكروت.
أسئلة بتتكرر
الجديد من نفس الموديل له تكلفة واحدة؟
الأجهزة الجديدة من نفس الموديل بتتحسب بمتوسط التكلفة، أما كل مستعمل فليه تكلفته لوحده.
أقدر أدور بالـ IMEI؟
أيوه، من قائمة الأجهزة أو من الفواتير، وتعرف الجهاز اتباع لمين وإمتى وضمانه لحد إمتى.
الصيانة جوه نفس البرنامج؟
أيوه. استلام الجهاز بإيصال، ومتابعة حالته، وتسليمه بأجرة الفني وقطع الغيار من المخزن في فاتورة بيع عادية.
أنشطة قريبة
جرّب Touch It ERP على شغلك الحقيقي
سجّل في دقيقة واستخدم كل الأقسام 14 يوم ببلاش، أو كلمنا ونفرّجك على النظام.