برنامج إدارة السوبر ماركت
الكاشير يضرب باركود الجبنة الموزونة فيطلع الصنف بوزنه وسعره، ويضرب الكرتونة فتتخصم 24 علبة. وآخر الوردية بيعد الفلوس، والبرنامج يقولك الفرق بالجنيه.
أصناف الوزن بتتكتب بإيد الكاشير
من الإعدادات بتحدد شكل باركود الميزان: البادئة (مثلاً 2)، وعدد أرقام كود الصنف، وعدد الخانات العشرية. الكاشير يضرب الملصق اللي طالع من الميزان، والبرنامج يفهم الصنف والوزن لوحده.
فلوس الدرج مش مطابقة
كل كاشير بيفتح وردية برصيد بداية، وبيقفلها بالمبلغ اللي عدّه لكل طريقة دفع. البرنامج بيحسب المفروض يكون كام، ويوريك العجز أو الزيادة باسم الكاشير.
النواقص بتتعرف لما الزبون يسأل
لكل صنف حد أدنى، والتنبيهات بتجمعلك الأصناف اللي وصلت له. وتقرير اقتراح الطلبية بيحسب الكمية اللي محتاج تطلبها من سرعة البيع.
مثال: وردية كاشير مسائية
أرقام المثال محسوبة بنفس الطريقة اللي البرنامج بيحسب بيها.
- الكاشير فتح الوردية الساعة 4 برصيد 500 جنيه فكة في الدرج.
- ضرب ملصق ميزان لجبنة رومي سعرها 240 جنيه للكيلو، الملصق فيه 0.375 كيلو، فالسطر طلع 90 جنيه والمخزن نقص 375 جرام.
- زبون أخد كرتونة مياه غازية (24 علبة) بـ 300 جنيه بدل 14 جنيه للعلبة. المخزن نقص 24 علبة لأن الكرتونة وحدة بمعاملها.
- آخر الوردية المبيعات النقدية 8,450 جنيه، فالمفروض الدرج فيه 8,950. الكاشير عدّ 8,930، والبرنامج سجّل عجز 20 جنيه على ورديته.
اللي هتستخدمه في شغلك
- قراءة باركود الميزان بالوزن أو بالسعر
- كرتونة وقطعة بأسعار وباركود مختلف
- ورديات بالعجز والزيادة لكل طريقة دفع
- تعليق فاتورة والرجوع لها
- جرد بالباركود ويتعتمد كتسوية واحدة
- تنبيه بالحد الأدنى والصلاحية
- اقتراح طلبية من سرعة البيع
- نقدي وفيزا وفودافون كاش وإنستا باي
الأقسام اللي بيعتمد عليها النشاط ده
تبدأ إزاي
وإنت بتسجل اختار نشاط «سوبر ماركت وأكشاك»، فالورديات والوحدات والصلاحية بتشتغل.
ارفع الأصناف من Excel بالباركود، وظبّط شكل باركود الميزان مرة واحدة من الإعدادات.
افتح أول وردية وابدأ البيع بأي قارئ باركود USB.
حاجات لازم تعرفها قبل ما تشترك
- النظام أونلاين، فننصح بخط موبايل احتياطي للكاشير.
- مفيش ربط مباشر بالميزان؛ البرنامج بيقرا الملصق اللي الميزان بيطبعه.
- مفيش برنامج نقاط ولاء للعملاء.
أسئلة بتتكرر
أي قارئ باركود يشتغل؟
أي قارئ USB أو بلوتوث بيكتب زي الكيبورد بيشتغل من غير تعريفات.
لو الميزان بيطبع السعر مش الوزن؟
بتختار في إعدادات باركود الميزان إن القيمة سعر، والبرنامج يحسب الكمية من سعر الكيلو.
أقدر أمنع الكاشير يشوف الأرباح؟
أيوه. الكاشير بيشوف شاشة البيع وورديته بس، والتقارير والتكلفة صلاحيات بتديها للي تحب.
أنشطة قريبة
جرّب Touch It ERP على شغلك الحقيقي
سجّل في دقيقة واستخدم كل الأقسام 14 يوم ببلاش، أو كلمنا ونفرّجك على النظام.