برنامج إدارة الصيدليات
كل شحنة دوا بتدخل برقم دفعتها وتاريخ صلاحيتها، والبيع بيسحب من الدفعة الأقرب انتهاءً من غير ما الصيدلي يدوّر. وقبل ما أي دفعة تخلص بفترة إنت بتحددها، بتظهرلك في التنبيهات.
دوا بينتهي على الرف وماحدش واخد باله
لما تسجّل فاتورة الشراء، كل صنف متابَع بالصلاحية بيطلب رقم الدفعة وتاريخ الانتهاء. ولكل صنف عدد أيام تنبيه (مثلاً 90 يوم)، فالدفعات اللي داخلة على الانتهاء بتظهر في صفحة التنبيهات قبل ما تبقى خسارة.
العلبة بسعر والشريط بسعر
الصنف ليه وحدة أساسية (الشريط مثلاً) ووحدة أكبر (العلبة = 3 شرايط) بسعر وباركود لوحدها. الكاشير يبيع بأي وحدة، والمخزن بيتخصم بالشريط، فالرصيد دايماً مظبوط حتى لو العلبة اتفتحت.
المنتهي بيتشال من الرف ومن الحسابات
الدفعة المنتهية مابتتباعش، وبتسجلها «منتهي الصلاحية» بضغطة. البرنامج بيخصمها من المخزن بتكلفتها ويكتب قيد خسارة، فالأرباح بتبان على حقيقتها.
مثال: شحنة مضاد حيوي من أول ما تدخل لحد ما تتباع
أرقام المثال محسوبة بنفس الطريقة اللي البرنامج بيحسب بيها.
- اشتريت 20 علبة «أموكسيسيلين 500 مجم» بـ 160 جنيه للعلبة، دفعة رقم A-2291 صلاحيتها مارس 2027. الفاتورة بـ 3,200 جنيه، والمخزن زاد 60 شريط بتكلفة 53.33 جنيه للشريط.
- عندك دفعة قديمة من نفس الصنف صلاحيتها ديسمبر 2026. أول ما تبيع، البرنامج بيسحب منها الأول، لأن الصرف من الأقرب انتهاءً.
- عميل اشترى علبة كاملة بـ 180 جنيه وشريط لوحده بـ 60 جنيه. الفاتورة 240 جنيه، والمخزن نقص 4 شرايط، وتكلفة البضاعة المباعة اتسجلت بقيدها.
- قبل ديسمبر بـ 90 يوم، الدفعة القديمة ظهرت في «تنبيهات المخزون والصلاحية» بالكمية الباقية منها، فتقدر ترجّعها للمورد أو تعمل عليها عرض.
اللي هتستخدمه في شغلك
- رقم دفعة وتاريخ صلاحية لكل شحنة
- صرف تلقائي من الأقرب انتهاءً
- أيام تنبيه مختلفة لكل صنف
- وحدات بأسعار وباركود مختلف: علبة وشريط
- تسجيل التالف والمنتهي بقيد خسارة
- مرتجعات للمورد ومن العميل
- كاشير بالباركود وورديات
- اقتراح الطلبية من الحد الأدنى وسرعة البيع
الأقسام اللي بيعتمد عليها النشاط ده
تبدأ إزاي
وإنت بتسجل اختار نشاط «أدوية ومستلزمات طبية»، فقسم الدفعات والصلاحية والوحدات بيشتغل لوحده.
ارفع أصنافك من ملف Excel، وفعّل «متابعة الصلاحية» على الأدوية بس، مش على الإكسسوارات.
سجّل أول فاتورة شراء بأرقام الدفعات، وابدأ البيع من الكاشير على طول.
حاجات لازم تعرفها قبل ما تشترك
- مفيش قاعدة بيانات أدوية جاهزة؛ إنت بترفع أصنافك وأسعارها من Excel مرة واحدة.
- مفيش متابعة لروشتات أو لشركات التأمين الطبي.
- النظام أونلاين، فالكاشير محتاج إنترنت شغال.
أسئلة بتتكرر
لو الصيدلي اختار دفعة غلط؟
هو مابيختارش. البيع بيسحب من الدفعة الأقرب انتهاءً في نفس المخزن، والدفعات المنتهية مستبعدة من البيع.
أقدر أبيع شريط من علبة ومحسوب صح في المخزن؟
أيوه. الشريط هو الوحدة الأساسية والعلبة وحدة أكبر بعدد الشرايط اللي فيها، فبيع شريط بيخصم شريط، وبيع علبة بيخصم 3.
عندي فرعين، كل فرع ليه مخزن؟
أيوه. كل مخزن ليه رصيده ودفعاته، وتقدر تحوّل بينهم، والصرف من الأقرب انتهاءً بيتم جوه كل مخزن لوحده.
أنشطة قريبة
جرّب Touch It ERP على شغلك الحقيقي
سجّل في دقيقة واستخدم كل الأقسام 14 يوم ببلاش، أو كلمنا ونفرّجك على النظام.