برنامج إدارة المطاعم والكافيهات
كل طبق ليه وصفة بالجرامات. أول ما الطلب يتقفل، الفراخ والعيش والصوص بيتخصموا من المخزن بتكلفتهم، فتعرف الطبق بيكسبك كام فعلاً مش بالتقدير.
مش عارف تكلفة الطبق
الوصفة بتقول الطبق محتاج إيه بالظبط. التكلفة بتتحسب من متوسط تكلفة كل خامة، فلو سعر الفراخ زاد، تكلفة الطبق بتزيد معاه في التقرير.
الخامات بتخلص من غير ما تعرف
البيع بيخصم الخامات، فرصيد المخزن بيبان لحظة بلحظة، والتنبيه بالحد الأدنى بيشتغل على الفراخ زي ما بيشتغل على الكانز.
الطلبات بين الصالة والمطبخ
الطلب بيتسجل على ترابيزة أو تيك أواي أو دليفري، وبيظهر على شاشة المطبخ بحالة كل صنف، ولما يتقفل بيبقى فاتورة بيع عادية.
مثال: 40 ساندوتش شاورما في وردية
أرقام المثال محسوبة بنفس الطريقة اللي البرنامج بيحسب بيها.
- وصفة «شاورما فراخ»: 150 جرام فراخ متبلة، رغيف عيش، و30 جرام صوص توم.
- الصوص نفسه وصفة: بتعمل منه 5 كيلو بأمر إنتاج، فالتوم والزيت بيتخصموا والصوص يدخل المخزن بتكلفته.
- اتباع 40 ساندوتش في الوردية. المخزن نقص 6 كيلو فراخ، و40 رغيف، و1.2 كيلو صوص.
- تقرير الأرباح بيوريك إيراد الـ 40 ساندوتش وتكلفة خاماتهم الفعلية والربح.
اللي هتستخدمه في شغلك
- ترابيزات وصالات وتيك أواي ودليفري
- شاشة مطبخ بحالة كل صنف
- وصفة لكل طبق تخصم الخامات وقت البيع
- تحضيرات (صوصات وعجين) بأوامر إنتاج
- تكلفة وربح كل طبق
- ورديات كاشير
- تنبيه نقص الخامات
- مرتجع بيرجّع الخامات للمخزن
الأقسام اللي بيعتمد عليها النشاط ده
تبدأ إزاي
وإنت بتسجل اختار نشاط «مطعم / كافيه»، فالترابيزات وشاشة المطبخ والوصفات بتشتغل.
سجّل الخامات بالكيلو أو اللتر، وبعدين الأطباق بوصفاتها.
سجّل الترابيزات وافتح أول وردية.
حاجات لازم تعرفها قبل ما تشترك
- مفيش ربط بتطبيقات التوصيل زي طلبات وإلمنيوز.
- شاشة المطبخ صفحة في المتصفح، مش طابعة مطبخ لكل قسم.
أسئلة بتتكرر
لو الطبق اترجع؟
المرتجع بيرجّع الخامات اللي اتخصمت للمخزن بنفس تكلفتها.
الكافيه مشروبات بس، ينفع؟
أيوه. المشروب وصفة زي الطبق: بن ولبن وسكر وكوباية، وبيتخصموا مع كل كوباية.
الهالك في الخامات بيتحسب؟
تقدر تحط نسبة هالك على مكونات الوصفة، أو تسجّل التالف لوحده بقيد خسارة.
أنشطة قريبة
جرّب Touch It ERP على شغلك الحقيقي
سجّل في دقيقة واستخدم كل الأقسام 14 يوم ببلاش، أو كلمنا ونفرّجك على النظام.